以前我讀 ug 嘅時候，都好頭痕點樣寫 Literature Review 。其實如果你普通引用 secondary source 嘅論文裡面有用到 integral citation ( XX points out that XXX … ) 咁都係一種 Literature Review ，不過今日就等我哋同大家分享一下點樣專業啲寫出一篇可以有 A range 嘅 Literature Review 啦！
第一步：揀主題
寫文獻綜述之前，要先決定研究嘅主題。咁樣可以幫你集中精力，令文獻綜述更加有針對性。主題唔一定係一個，可能有幾個。例如你嘅研究題目係香港嘅結婚 rituals ，咁你嘅 literature review 唔係 on the same topic ，而係側面少少，咁我哋可以劃分出：香港嘅結婚文化、香港嘅核心家庭文化、亞洲其他地方嘅結婚 rituals 、其他洲份國家嘅結婚 rituals 、結婚 rituals 嘅歷史等等。選取約3個側面。
第二步：搵文獻
開始搵有關嘅文獻，可以去圖書館、睇學術期刊、睇研究報告等。要確保文獻係可信嘅同質量高嘅。揾嘅時候要做到每個側面數量相若，如果有超過呢個數量要選有可比性嘅文獻。以2000字嚟講，每個側面大概3本就夠。
第三步：整理文獻
整理同歸納你搵到嘅文獻，確保你明白每篇文獻嘅內容同觀點。可以有張草稿紙列出佢哋內容重點、強項同弱項。強項通常係佢嘅內容、 conclusion 或者 methodology ，而弱項一般喺埋尾都會有寫 limitations ，整理成 point form 就可以。
第四步：寫綜述
開始寫文獻綜述，要總結每篇文獻嘅主要內容、觀點同結論，同埋確保文獻之間有連貫性。可以每篇文獻寫3句左右嘅概述。
第五步：分析文獻
深入分析文獻，探討各篇文獻之間嘅異同，同埋提出自己嘅見解同評論。比較各文獻嘅強弱項。弱項可以用邏輯反駁該文獻嘅主論點。
第六步：校對同修改
寫晒文獻綜述之後，要校對同修改，確保文章表達清晰、準確，同埋檢查有冇語法同拼寫錯誤。尤其你寫咗12本書嘅內容同比較，你一定要由頭到尾睇幾次確保成篇文唔會斬開一節節。
第七步：引用同參考文獻
最後，確保文獻綜述中引用嘅資料來源準確無誤，同埋按照適當嘅引用格式整理參考文獻清單。
咁樣係咪易好多呢？我哋都有 Literature Review 嘅 A- Sample 比大家參考，請按照以下方法獲取：
發佈留言
很抱歉，必須登入網站才能發佈留言。