寫文拯救C

首先就不建議臨急抱佛腳的，平時請乖乖地睇多啲reading。

先講平時睇 reading 可以做啲咩。你會開一個 word file 整個表去 save 曬我睇過嘅 reading 。第一行綜合返呢句想帶出嘅 point (可以最後先做，亦可以用廣東話寫) ，第二行寫啲 keyword ，第三行用自己文字寫一次，順手加埋 in-text citation ，第四行打返個完整嘅 reference ，而家有 online citation generator 很方便的，第五行可以放返作者原文落去。

當你有哂不同 excerpts 嘅 points 之後，你就可以整合成你篇文嘅大綱，因為你一望就清楚哂邊啲 points 多資料 back up 。

再黎講下真係好急嘅請況，你可以 google scholar 搵你篇文嘅 topic ，然後淨係睇 abstract + conclusion 去做一個 summary ，整理下啲重點出黎再 cite 返落篇文度。咁樣雖然會 miss 咗好多細節，但總好過你遲交扣分。做得 deadline fighter 就要有攞B的心理準備，想攞高分嘅話就不會拖到 last minute 先做吧。然後交完篇文請去完整地睇一次你 cite 過嘅 article ，同時寫下 notes ，去了解返作者究竟研究咗啲咩，尊重返作者嘅研究，亦都係為咗避免之後 professor / lecturer 問返你篇文啲 details 嘅時候口啞啞唔識答穿煲原來你冇認真睇 reading 就亂用 sources 。

PS 請做好準備要睇大量嘅 article ，我試過睇咗就快 100 篇文先得 20 篇啱用。同時亦都唔建議唔理三七二十一，係唔係都 cite ，咁做只會害咗你，唔係 cite 越多越高分的。仲有唔建議用 AI ，一黎可能會唔符合 academic integrity 嘅要求，二黎 AI 會放山埃，比假 source 你。

廣告時間：如果寫文有困難可以去搵隊長做返 consultaion , 都可以攞個 essay plan ，甚至係成篇文比寫文巴改的。

幾多個source先至夠？

如果係英文學術文章，大概係每 100 字要有一個 source ，即係 2500 字要有 25 個 source 。同時間注意返每頁有冇 3 – 5 個 in-text citations ，先至叫足夠。每一段唔一定只有一個 in-text citation ，多過1個都得，但唔好太多，如果句句都 cite 就會冇咗個人意見。

祝大家都有好成績吧。