寫文拯救C

最近同學就要做 Art Forms 嘅 present 啦，咁有啲同學做完個 proposal 都唔知應該點做 present 嘅，有可能係因為你個 lecturer 唔比用 point form ，於是你哋用 Essay form 就寫到 1999 咁。咁你哋個 present 最易做嘅方向就係 discuss 返你果組果 group 人喺啲 art production 裡面係點樣 represent ，然後個 representation perpetuate 咗咩 stereotypes 同 binary oppositions 。 Proposal 應該唔夠位寫哂兩樣但你 present 可以兩樣都講。嚟到呢度都應該冇問題嘅，但係如果想攞高分，都要用 constructionist 或 reflectionist 角度去睇個 representation 。咁問題就嚟喇，如果你唔知兩者嘅分別係咩，咁點揀用邊隻呢？呢篇文章就會用人話同例子講下兩者有咩唔同。

Constructionist 同 Reflectionist 喺分析 representation 時兩個唔同嘅角度。呢啲 concept 幫助我哋了解唔同嘅藝術作品點樣表現唔同嘅人物。
首先， Constructionist 就係強調 Art productions 係點樣建構個人物形象出嚟。佢哋認為一 group 人嘅形象係社會文化背景嘅產物，係唔同嘅因素影響底下形成嘅。所以如果你用 Constructionist 嘅角度去睇一個作品，你會諗社會點樣構成人物嘅形象，類似時勢造英雄。例如，喺通脹到買唔到樓嘅情況下，造成咗躺平族群，而啲 media 就將呢躺平族群嘅特徵放大表現出嚟，就有咗我哋今日睇到嘅作品裡面嘅 stereotypes 。而 binary oppositions 就難啲做到，因為你要分析人物形象咁要兩 group 人先可以有 binary opposition ，例如要 analyse 套戲點樣 represent 乞衣同有錢人。

反之， Reflectionist 就係講作品係點樣反映返社會嘅現況同價值觀，即係好似一面鏡子反映社會本身。 Reflectionists 認為藝術作品係可以反映社會文化同價值觀。喺解讀一件作品時， Reflectionist 會著眼於作品映射出社會有咩問題(或者優勢)，對社會提出反思同批判。例如，一幅畫可能透過特定人物或場景，來批評當時社會上存在嘅不公義或矛盾。如果你有讀文學，我哋好多時都會用 Reflectionist 嘅角度去理解 Dystopian 小說。咁呢方面可以做到 stereotype 同埋 binary oppositions 嘅。 Stereotypes 就類似講我哋一般覺得資本主義社會係點樣就比佢哋放大咗，而 binary opposition 就類似講戲裡面嘅人物 represent 到個社會有貧富懸殊 etc。用返上面個例子，套戲有乞丐同有錢人，咁用 reflectionist 嘅角度就係 represent 咗一個貧富懸殊嘅社會。

當你唔清楚應該揀邊個角度嘅時候，可以睇返你提及嘅 art production 本身，睇下邊個易講啲：係作品點樣建構出嚟，定係作品點樣反映返社會。根據呢啲分別，你就可以選擇 Constructionist 或者 Reflectionist 角度去分析同解釋你嘅 presentation 。暫時我做過嘅 people 嚟講， idols 我揀咗 constructionist ， gangsters 我揀咗 reflectionist ，而 workers 係兩者都可以。如果你果組係做其他族群，都可以 pm 我問 。